[gnome-cy] Sut mae pethau

[Rhoslyn Prys <rhoslyn prys ntlworld com>]

Gair i werthfawrogi ymdrechion pawb ar y grwp wrth i Mandrake Linux 9.2 
ymddangos yn ddiweddar gan cynnwys Gnome 2.4 yn Gymraeg. Mae'n braf iawn 
fod darn mor sylweddol o system weithredu ar gael yn Gymraeg ac yn 
gweithio mor dda.

Gyda 9.2 roeddwn yn ceisio gweithio i'r fan lle roedd modd cael gymaint 
o'r feddalwedd Cymraeg ag sy'n bosibl i weithio o'i fewn. Ar  hyn o bryd 
mae'n cynnwys meddalwedd cynhenid Mandrake a Gnome. Mae'n bosibl 
ychwanegu'r pecyn iaith at Gwe-lywiwr 1.4 oddi ar safel Gwe-lywiwr. Yn 
anffodus tydi Abiword ddim yn cael ei gynnwys. Y gobaith ar gyfer 
9.3/10.1 gwanwyn nesaf fydd cynnyddu hynny i gynnwys Gwe-lywiwr cynhenid 
yn ogystal ag OpenOffice.

Mae Dafydd yn iawn, mae angen cadw ati i weithio ar y cyfieithiad yn 
gyson a lle mae modd ychwanegu at y swm o raglenni sy'n cael eu darparu.

Mater ychwanegol yw cywirdeb a chysondeb cyfieithu. Roeddwn wedi cynnig 
wrth dafydd i edrych dros rhywfaint o gyfieithiad Gnome - gwirio 
sillafu/cysoni ond yn anffodus oherwydd pwysau Gwe-lywiwr 
1.5/Firebird/Thunderbird ac OpenOffice tydw i heb gadw at fy ngair. 
Ymddiheuriadau am hynny. ;-(

Byddai'n dda ond nid yn hanfodol medru cysoni termaiu ar draws 
feddalwedd a bydda i'n edrych gyda diddordeb ar gynllun yr uned 
e-Gymraeg ar ran Bwrdd yr Iaith i gasglu a safoni termau technoleg 
gwybodaeth.

Yn y cyfamser - we-he! mae modd mwynhau profiad Cymraeg llawn iawn . Gw 
y llun sgrin amgaeedig.

Rhos

_______________________________________________
gnome-cy mailing list
gnome-cy pengwyn linux org uk
http://pengwyn.linux.org.uk/mailman/listinfo/gnome-cy