Re: Novaj terminoj por la teĥnika terminaro

[Carmen Bianca Bakker <carmen carmenbianca eu>]

Saluton Tirifto,

Pardonon pro la malfrua respondo.  Jen mi respondos al ambaŭ viaj
mesaĝoj.

> > Extract (from archive) → Elpaki
>
> Ĉu oni elpakus parton de la arĥivo, aŭ ĉu tutan? La vorto povas funkcii
> ambaŭe, miasente. Tiusence bonvolu ankaŭ kompari kun la Komputekaj
> »eltiri« kaj »elpreni«. Ĝenerale la vorto ŝajnas bona.

La senco ĉi tie (kaj la unua senco, ĝis nun, kiun mi renkontis) estas
«elpaki .tar-dosieron».  La tutan, do.  Sed mi konsentas, ke havus
sencon uzi alian vorton por elpreni parton el ia unuo.

> > > featured → elstarigita (anst. »unuaranga«)
> > > theme → haŭto
> >
> > Kial ne «etoso»?
>
> Ĉar efektive temas pri ŝanĝo de aspekto. Laŭ oficiala difino de »etos«,
> ĝi estas »reganta humoro aŭ spirita atmosfero kreata de ĉeestantaj
> homoj, ĉirkaŭaĵo, cirkonstancoj aŭ artaĵo«. Mi trovas tion pli ampleksa
> kaj ankaŭ nerekta. Oni povas akiri certan etoson per ŝanĝo de haŭto kaj
> eventuale aliaj havaĵoj, sed »theme« sola etoson ne decidus.
>
> (Kompreneble, ambaŭ »haŭto« kaj »etoso« estas iom figurasencaj en
> komputila uzado, sed mi trovas la figuran sencon de »haŭto« pli taŭga.)

Konsentite.  Mi simple volis scii.  Mi devos ŝanĝi kelkajn okazojn de
«etoso», do.

> > > URL → reteja adreso
> >
> > Mi malkonsentas.  URL-oj ne necese temas pri retejoj.  Vi povas havi
> > lokan URL-on.  Mi preferus «URL → URL (Unuforma Risurca Lokindiko)».
>
> Bone; mi konfesas, ke mi ne konas la tutan amplekson de »URL«. Mia ĉefa
> zorgo tamen estis komprenebleco; al teĥnike nespertaj, »reteja adreso«
> estus pli komprenebla ol mistera »URL«. Mi ne certas, kiom bone la
> mallongigo estas konata, sed mi apenaŭ iam uzis ĝin parole.
>
> Cele al precizeco mi do konsentas kun la propono »URL«, sed ankaŭ estus
> bone pripensi, ĉu ekzistas pli memkomprenebla nomo, kiu tamen estus
> sufiĉe taŭga. Ĉu estus »ligilo« tro malpreciza?

Mi konsentas, ke URL povus esti malklara, sed ŝajnas al mi, ke tio
problemo ekzistas «upstream».  Ekzemple, kelkaj fojoj mi devis traduki
«Linux» kaj «open source», kaj kvankam mi povus uzi la pravajn
Stallman-ajn vortojn Esperante, mi elektis traduki laŭvorte.

> > > video (file) → filmo*
> > >   - ŝajnas pli ĝenerale taŭga ol »filmeto«
> >
> > Mi ne necese malkonsentas, sed tio bezonus multe da ŝanĝoj.  «Vide·o»
> > pli taŭgas laŭ mi, ĉar video povas esti iu ajn movbildo, sed filmo
> > kutime/nur estas eldonita faraĵo.
>
> Mi proponis ĝin ĉefe pro la neklareco de tiu vorto. Laŭ kelkaj vortaroj
> »vide« nomas la procedon, arton, aŭ fakon, kaj estas multe uzata
> prefikse. Iuj mencias la vorton »videaĵo«, kiu povas esti movbildo, kaj
> kelkaj tiusence uzas vorton »video«. Ne estas do tute klare, kion la
> vortero signifas, ĉar oficialan difinon ĝi ne havas.
>
> Aliflanke, »film« estas oficialigita kiel »bendo kovrita de
> fotoemulsio; tuto de la bildoj fiksitaj sur tia(j) bendo(j) kaj
> projekcieblaj sur ekranon«. Tio jam donas al ni certecon, ke temas pri
> konkreta aĵo. Tio ebligas figurasencan transprenon.
>
> La difino ankaŭ ne limigas la signifon al eldonitaj faraĵoj. Estas
> vero, ke oni ofte nomas tiajn »filmoj«, sed tiaj nur havas ekstran
> econ. Oni povas registri aron da movbildoj, kaj laŭ mi tio mem
> meritigas la nomon »filmo«. Jam ne gravas, ĉu la filmo eldoniĝos
> publike, private, aŭ tute ne; ĉu ĝi estas longa aŭ mallonga. 
>
> Mia unua elekto do estus »filmo«, kaj mia dua estus »videaĵo«.

Mi ne tute certas pri ĉi tiu afero.  Ĉu eble ni povus uzi «vidaĵo»?
Tiel, ni povus traduki «audio» kiel «aŭda, aŭdaĵo», «video» kiel «vida,
vidaĵo», kaj «media» kiel «aŭdovida, aŭdovidaĵo».  Sed mi dubas, ĉu tio
estus bona solvo.  Finfine, «vidaĵo» ankaŭ havas alian signifon, kaj
«vide(aĵ)o» ekzistas en PIV.

«Filmo» probable bonus, sed mi simple ne ege certas pri bona solvo.

> header bar → ĉapobreto

Kio estas la malsameco inter «header bar» kaj «top bar»?  Ni jam
tradukas «top bar» kiel «supra breto».  Se vere ekzistas malsameco, mi
konsentas.

> mechanism → meĥanismo
> organization → organizaĵo (homgrupo), organizo (ago)
> pixel → bildero
> selection mode → elekta reĝimo

Konsentite.

Jen ankaŭ kelkaj miaj proponoj:

Clear → Vakigi
Purge → Senrubigi
OK → Bone
Cancel → Nuligi (anst. rezigni)
Dismiss → Rezigni
Discard → Forĵeti (anst. ne konservi)
Skip → Preterpasi (anst. transsalti)
Backup → Sekurkopio, sekurkopii
Design → Fasono, fasoni (aspekto), ??? (celo, ekz. "This program is
    designed to integrate well with GNOME")
Upgrade → Altgradigi (granda ĝisdatigo, ekz., Debian 8 → 9)
Update → Ĝisdatigi (jam ekzistas en komputeko, tamen, sed ekzistas
    malsameco inter «update» kaj «upgrade», do inkluzivi ambaŭ terminojn
    povus substreki tion)
Indent → Deŝovi
Find (and replace) → Serĉi (kaj anstataŭigi) (anst. trovi)
Quit → Ĉesi, ĉesigi (anst. forlasi)
Favorite → Ŝatata (anst. favorata)
Snapshot → Momentkopio (de datumoj)
Verbose → Babilema
Procent → Elcento (anst. procento)
(Disk) image → (Diska) ekzakta kopio

Amikajn salutojn,
Carmen

Attachment: signature.asc
Description: This is a digitally signed message part